Algengar spurningar

Til að skoða stöðu þína varðandi námskeið skaltu skrá þig inn gegnum SSG-gáttina með þeirri innskráningarleið (netfang eða farsímanúmer) sem þú hefur valið.

Ef þú lendir í vandræðum með innskráningu skaltu hafa samband við þjónustuverið okkar.

Til að fá nýtt aðgangskort þarftu að hafa samband við SSG-stjórnanda þinn hjá fyrirtækinu sem þú starfar hjá, sem getur skráð sig inn og pantað nýtt kort fyrir þig.

Ef þú veist ekki hver stjórnandi þinn er geturðu fundið þær upplýsingar undir „Mínar upplýsingar“ þegar þú hefur skráð þig inn, eða með því að hafa samband við þjónustuverið okkar.

Þú getur skoðað allan spjallsvæðisþráðinn og frekari spurningar og athugasemdir hér.

Aðgangskortið er ekki lengur með neinn afmarkaðan gildistíma. Áður var gildistíminn fimm ár, en nú hefur sú afmörkun verið felld úr gildi og kortið heldur gildi á meðan það eru gild námskeið skráð á notandann. Þú getur því haldið kortinu sem þú ert með án þess að það renni út, þannig að það sem þú þarft að fylgjast með er aðeins gildistími námskeiðanna. Á nýjum kortum sem við sendum til notenda er ekki lengur skráður gildistími heldur aðeins útgáfudagur.

Þegar þú skráir þig inn gegnum vefsvæðið geturðu auðveldlega fundið númer aðgangskortsins undir „Learning“ og „Námskeiðin mín“.

Það er einnig sýnilegt undir „Mínar upplýsingar“ ásamt öðrum upplýsingum sem þú gætir haft aðgang að, svo sem tengingu við fyrirtæki og hverjir stjórnendur þínir eru.

Þú getur einnig fundið númer aðgangskortsins með því að skrá þig inn í SSG On site appið og finna númerið í prófílupplýsingunum þar. 

Sem stjórnandi finnur þú örgjörvanúmer allra notenda með því að fylgja skrefunum hér að neðan:

1. Skráðu þig inn og smelltu á „Learning admin“
2. Smelltu á „Notendur“ á valmyndinni vinstra megin
3. Smelltu á „Aðgerðir“ og því næst á „Flytja lista út sem CSV“ 

Þá færðu aðgang að Excel-skrá með lista yfir örgjörvanúmer allra notenda á öllum sniðum sem við styðjum. Ef notandi er ekki með örgjörvanúmer gæti það verið vegna þess að viðkomandi aðgangskort hefur ekki enn verið búið til. Það getur verið gagnlegt að vita hvaða gerð örgjörvanúmers er notað á viðkomandi starfsstöð, t.d. Mifare eða SOLID o.s.frv.

Hafðu í huga að ef þú pantar nýtt kort fær aðgangskortið nýtt örgjörvanúmer.

Þegar þú hleður upp mynd skaltu hafa eftirfarandi í huga:

• Myndin verður að vera nærmynd.
• Á myndinni má viðkomandi ekki vera með höfuðfat, hlífðargleraugu, heyrnarhlífar eða annað svipað.
• Þegar þú hefur hlaðið upp myndinni færðu tækifæri til að breyta henni, t.d. með skurði.
• Myndin verður að vera að minnsta kosti 300 pixlar á breidd og að minnsta kosti 420 pixlar á hæð.
• Gild skráarsnið eru jpeg, gif og png.

Ef ekki tekst að hlaða upp myndinni er hún líklega of stór og þá er t.d. hægt að prófa að breyta stærðinni í Microsoft Paint. Þú getur líka reynt að hlaða myndinni upp í gegnum annan vafra.

Nýir notendur fá aðgangskortið sent sjálfkrafa, svo fremi sem það er til ljósmynd af viðkomandi í kerfinu og búið er að úthluta grunnnámskeiði. Það er annað hvort notandinn sjálfur eða stjórnandi hjá því fyrirtæki sem notandinn starfar hjá sem hleður upp ljósmyndinni.

Ef notandi hefur áður fengið aðgangskort er nýtt kort ekki sent sjálfkrafa, heldur verður námskeiðum sem þú lýkur bætt við á fyrirliggjandi kort. Ef kortið er týnt eða skemmt þarf stjórnandi í þínu fyrirtæki að panta nýtt kort í stað þess gamla.

Þú finnur upplýsingar um þinn stjórnanda þegar þú hefur skráð þig inn, undir „Mínar upplýsingar“, eða með því að hafa samband við þjónustuver SSG.

Þú pantar nýtt kort með því að fylgja eftirfarandi leiðbeiningum:

1. Skráðu þig inn á vefsvæðinu.
2. Veldu þjónustuna „Learning admin“
3. Smelltu á „Notendur“
4. Leitaðu að viðkomandi einstaklingi, smelltu á punktana þrjá hægra megin og því næst „Panta nýtt kort“
5. Smelltu á hnappinn „Áfram“ í innkaupakörfunni og haltu áfram með pöntunarferlið.

TIl að skrá nýjan notanda skaltu fylgja eftirfarandi leiðbeiningum:

1. Innskráning sem stjórnandi
2. Veldu „Learning admin“
3. Smelltu á „Notendur“ og því næst „Bjóða notanda“
4. Færðu inn fornafn og eftirnafn og númer aðgagnskorts, ef það liggur fyrir, eða kennitölu. Smelltu svo á „Halda áfram“
5. Veldu hvort þú vilt senda boðið með tölvupósti eða skilaboðum í farsíma og færðu inn viðeigandi upplýsingar
6. Veldu tungumál
7. Smelltu á „Senda boð“.

Aðgangskortið og öll tengd námskeið eru persónubundin og fylgja þér að ráðningarsambandi loknu. Ef þú hefur störf hjá öðru fyrirtæki geta stjórnendur þess fyrirtækis séð um að bjóða þér sem notanda og þá flytjast námskeið þín og númer aðgangskortsins yfir í þeirra kerfi.

Ef þú þarft einnig að breyta innskráningarupplýsingum þegar þú skiptir um vinnuveitanda skaltu hafa samband við þjónustuver okkar í síma 060-14 15 10 og við aðstoðum þig við það.

Þegar þú sendir einstaklingi boð um að fara á netnámskeið hjá SSG getur viðkomandi annað hvort valið „Finna reikning“ eða „Stofna nýjan reikning“.

Stofna nýjan reikning:

Ef þetta er í fyrsta skipti sem einstaklingurinn sækir námskeið hjá SSG þarf viðkomandi að stofna reikning hjá okkur með því að smella á „Stofna nýjan reikning“. Hugsanlega er eldri reikningur til staðar sem getur hafa orðið óvirkur (ef viðkomandi hefur ekki nýtt sér neina þjónustu í tiltekinn tíma) og þá þarf að velja valkostinn „Stofna nýjan reikning“.

Finna reikning:

Ef þú veist að þú hefur nýlega sótt námskeið hjá okkur eða hefur verið skráð(ur) inn, ættir þú frekar að nota „Finna reikning“. Þetta er gert með því að fylla út kennitölu, netfang, farsímanúmer, númer aðgangskorts eða notandanafn. 

Ef þú ert með eldri innskráningarupplýsingar (netfang eða símanúmer) sem þú hefur ekki lengur aðgang að þarftu að hringja í þjónustuver SSG svo við getum aðstoðað þig við að uppfæra í núverandi innskráningarupplýsingar.